Analkhabar
جريدة إلكترونية مغربية - تهتم بأخبار المغرب والعالم

مفاجأة.. “ترامب” اعترف بمغربية الصحراء منذ عام ونصف وها لي وقف ضدو

أنا الخبر ـ كود

كشفت “اكسيوس  عن تفاصيل في صفقة اعتراف اميركا بمغربية الصحراء عبر مرسوم رئاسي وقعو ترامب. ففي هذا الموقع الامريكي ان الاتفاق اللي تعلن عليه كان موجود هادي عام ونص وباللي كلشي كان واجد٬ ولكن اللي دار البيضة فالطاس هو السيناتور الجمهوري عن اوكلاهوما الداعم للبوليساريو والجزائر جيمس انهووف اللي كيرأس كذلك لجنة التسليح في مجلس الشيوخ”.

نهار 13 نونبر قرر المغرب يدخل فالكركرات “امام الاستفزازات الخطيرة وغير المقبولة لميليشيات البوليساريو في المنطقة العازلة للكركرات في الصحراء المغربية “قرر المغرب التحرك في احترام تام للسلطات المخولة له”. هاد التدخل قلق بزاف صحاب البوليساريو فامريكا. جا هاد اينهووف لمجلس الشيوخ يدين ويسب ويدعم البوليساريو.

هاد القضية وحدة من قضايا خلافية كثيرة بين السيناتور وبين الرئيس ترامب. فيها قرارات كان رفض اينهووف فمجلس الشيوخ قرارا لوزارة الدفاع كان كيضمن قوانين اخرى تهم تغيير اسماء القواعد العسكرية وامور عندها علاقة بوسائل التواصل الاجتماعي.

فهاد التحدي كيف حاولات تصورو “اكسيوس” تزادت حدتو نهار 4 دجنبر من هاد الشهر٬ تم التوقيع على المرسوم الرئاسي اللي فيه اعتراف اميركا بمغربية الصحراء واعلان فتح قنصلية امريكية فالداخلة. طبعا هاد المرسوم ثمنو التطبيع بين الرباط وتل ابيب.

وفق الموقع نفسو فان جاريد كوشنير نسيب وكبير مستشاري الرئيس ترامب ومدير مكتب هاد الرئيس اتصلو بالمغاربة نهار 4 باش يقولو ليهم واش مازال متافقين على كلشي اللي كان تم الاتفاق عليه هادي عام ونص. بعد ما تأكدو وقع ترامب المرسوم الرئاسي.

آخر الأخبار سياسة اقتصاد رياضة طقس وبيئة أنشظة ملكية سلطة ومجتمع خارج الحدود حوادث فن ومشاهير مختارات منوعات
الرئيسية أخبار عاجلة الشاشة مباريات