Analkhabar
جريدة إلكترونية مغربية - تهتم بأخبار المغرب والعالم

ما كاينش يا ما رحميني عند الحموشي واللي فرط يخلص وبالحبس

أنا الخبر ـ متابعة

اليوم الاثنين 28 فبراير 2022 تحكم فمحكمة الاستئناف فالرباط على ضابط فالادارة العامة للأمن الوطني ب10 سنين حبس. هاد الضابط كان خدم فطنجة وتورط مع عصابة فالاتجار الدولي في المخدرات.

هاد الحكم وفق “كود“، فيه رسالة من الادارة العامة للأمن الوطني زمن الحموشي مع كاع البوليس من صغرو حتى أعلى المراتب، اللي فرط يكرط والتكريطة قاصحة. هادا خدا 10 سنين ويخلص للديوانة غرامة وصلات ل800 مليون درهم.

المحكمة دانتو بتهمة الارتباط بعصابة اجرامية تنشط فتهريب الكوكايين.

الضابط مشى فيها ومشى فيها حتى خوه و3 خراين فنفس العصابة.

هادو توقفو بعد عملية أمنية دارتها الفرقة الوطنية للشرطة القضائية ولكن اللي وجد المعلومات هي المديرية العامة لمراقبة التراب الوطني.

هادا ميساج لكاع البوليس اللي يقدر يتغر بالمنصب. راه نهار يحصل يودي يخلص بزاف. دابا ما بقات ليه لا حرية ولا فلوس اللي يقدر يكون جمعهم.

آخر الأخبار سياسة اقتصاد رياضة طقس وبيئة أنشظة ملكية سلطة ومجتمع خارج الحدود حوادث فن ومشاهير مختارات منوعات
الرئيسية أخبار عاجلة الشاشة مباريات