الراقصة المغربية “مايا”: “مابقاوش الرجال حنا معديين بالنعالة فانتظار الصباط”

أنا الخبر ـ كود

البارح عوتاني الراقصة مريم المعروفة ب”مايا” دارت لايف دوات فيه على الحب والخيانة والزواج والطلاق وكاع هاد المواضيع لي كيبغيوها المتتبعين ديالها ويبقاو يسولو فيها بحالا هي أخصائية فلي كوبل.

مايا في لايف البارح لي شافوه 2500 واحد بانت مقصحة كتدوي وهي منرفزة، وقالت أنها كتفهم البنات لي عاشو قصة حب مسمومة حيت هي دازت من هادشي ووضحات “كنصبرو على العصا والذل والتبرهيش باسم الحب حيت كنكونو مقموعات في صغرنا من طرف الأب، كنكونو مشبعانينش حب وتعناق وكنبغيو غير امتى نتزوجو باش نتعانقو.. وهادشي ماشي صحي وكيكبر فينا عقد كبيرة”.

وبزاف قالو ليها انها هي مزوجة 4 ديال المرات وكدير العقد للنبات لي يالله باغيين يتزوجو وجاوبات “اه أنا معقدة، ومابغيتش لي تقبل الذل على راسها حيت الرجال مابقاوش.. ودابة معديين بالنعالة في انتظار الصباط”.

قد يعجبك ايضا
تحميل...