أنا الخبر ـ متابعة
قالت “كود” إن الشابة للي بانت ففيديو تتعرض لاغتصاب واعتداء وحشي لعشرات المصريين بالمنصورة بمصر مازال ما تعرفاش جنسيتها رسميا.الاعلام المصري قال انه تم توقيف 17 شخصا فهاد الحادثة اللي تصورات وصدمات العالم على وحشية هادوك المصريين المكبوتين.
وفق مصدر من السفارة المغربية في مصر فانه بمجرد خروج الفيديو والحديث عن جنسيتها المغربية تم ربط الاتصالات الرسمية. وفق مصدر “كود” فانه لحد الان ما كاينة حتى حاجة مصرح بيها فهاد الموضوع اي ما كاينة حتى شي شكاية بشي فتاة عندها الجنسية المغربية فموضوع الاغتصاب الجماعي او التحرش.
مصدر “كود” قال ان الامن المصري اكد لسفارة المغرب في مصر انو ما كاين حتى محضر. المصدر نفسه قال ل”كود” بللي حتى شي مواطنة مغربية ما ربطات الاتصال بالسفارة فهاد الموضوع.
طبعا هاد الشي جديد ممكن مع الوقت يبانو معطيات اخرى. لان مصدر “كود” قال باللي حتى جنسية هاد الفتاة مازال ما معروفاش رسميا.
ممكن تكون هاد البنت مغربية وممكن تكون ما بغياش دير شكاية كاع وحتى ترجع للمغرب وتشكى.
سفارة المغرب فمصر كانت دارت خدمة زوينة فالكان الاخير ومحركة فالدفاع على لمغاربة.