أنا الخبر ـ كود
أشعل شريط فيديو بان فيه شي حد كيهضر على ملف قضائي معروف على أنظار العدالة رواد موقع التواصل الاجتماعي طيلة الساعات القليلة الماضية. هاد السيد اللي يبدو أنه شي سمسار بان فيه يتبادل الحديث مع بنت شي معتقلة وكيقول ليها أنه تدخل باش يخفض الحكم القضائي اللي غادي يصدر ف حق الوالدة ديالها.
الشريط اللي وصلات المدة ديالو لـ6 دقائق يؤكد فيه هاد السيد أنه تدخل لدى رئيس هيئة الحكم باش يخفض الحكم من ثمانية أشهر إلى شهرين فقط، مؤكدا لابنة المعتقلة أن والدتها بقات ليها غير 40 يوم وتخرج من الحبس.
وفضح الفيديو هاد السيد وهو بصدد الحديث عن مبلغ مالي مقابل التدخل لدى رئيس هيئة الحكم للعمل على تخفيض الحكم القضائي اللي متابعة فيه سيدة في جرائم جنائية من بينهما تكوين عصابة إجرامية.
هاد الفيديو هز الجهاز القضائي وحرّك رئيس النيابة العامة الذي سارع إلى فتح تحقيق دقيق لتحديد جميع الأطراف الواردة فيه، في أفق الاستماع إليها، وتقديم كل من تبث تورطه في ذلك أمام العدالة لاتخاذ المتعين قانونا.