أنا الخبر ـ كود
كاين شي مغربيات كيديرو الضحك في راسهم في قنوات سعودية بلاما يفكرو في الجنسية لي كيحملو ولا التهم لي أصلا لاصقة في المغربيات بين الخليجيين ولي فينما يلقاو الفرصة يبداو يحلو في فمهم.
هند السداسي لي كتقدم راسها كمغنية وهي لا صوت لا مجي بكري، والمودل هند ستار كانو ضيفات في برنامج “اغى” في “Mbc5” وبانو ميزوجين وماترياليست وهمهم الراجل يكون ملايري.
وفاش سولهم مصطفى الآغا واش يقبلو يتزوجو براجل مزوج، قالت هند السداسي “اه نقبل نكون زوجة رابعة حيت الشرع عطى ربعة”، وملي سول هند ستار جاوبات “لا أبدا مانقبلش، نبغي نكون وحيدة وإلا كان مزوج نطلقو من مراتو”.
هاد التصريحات غير المحسوبة خلات الانتقادات كبيرة ضدهم، وبزاف انتاقدوهم وجمعو معاهم المغربيات مع العلم أنهم كيمثلو راسهم فقط.